Qazaqstan Respublikası Mädeniyet jäne aqparat  ministrliginiñ  Til komiteti (budan äri - Komitet) öz quzireti şeginde iske asıruw jäne baqılaw-qadağalaw funktsiyaların, sonday-aq öz quzıretine jatqızılğan qızmet salasında salaaralıq üylestirüwdi jüzege asıratın Qazaqstan Respublikası Mädeniyet jäne aqparat ministrliginiñ vedomstvosı  bolıp tabıladı.

Komitettiñ negizgi mindetteri tilderdi damıtuw salasındağı memlekettik sayasattı iske asıruw, Qazaqstan Respublikasındağı tilder tuwralı zañnamanıñ saqtalwın baqılawdı  jäne qadağalawdı jüzege asıruw  bolıp tabıladı.

Komitet öz qızmetin Qazaqstan Respublikasınıñ Konstitutsiyasına, Qazaqstan Respublikasınıñ zañdarına, Qazaqstan Respublikası Prezidentimen Ükimetiniñ kesimderine, özge de normativtik quqıqtıq kesimderge, sonday-aq osı Erejege säykes jüzege asıradı.

Komitet memlekettik mekemeniñ uyımdıq-quqıqtıq nısanındağı zañdı tulğa bolıp tabıladı, oqşawlanğan mülki,  öz atawı memlekettik tilde jazılğan möri men mörtabandarı, belgilengen ülgidegi blankileri, sonday-aq zañnamağa säykes Qazaqstan Respublikası Qarjı ministrliginiñ Qazınaşılıq komiteti organdarında esep şottarı boladı.

Komitet azamattıq-quqıqtıq qatınastarğa öz atınan tüsedi.

Komitettiñ, eger oğan zañnamağa säykes ökilettik berilse, memleket atınan azamattıq-quqıqtıq qatınastardıñ tarabı boluwğa quqığı bar.

Komitet öz quzıretindegi mäseleler boyınşa zañnamada belgilengen tärtippen Qazaqstan Respublikasınıñ awmağında mindetti küşi bar törağanıñ buyrıqtarımen resimdeletin şeşimder qabıldaydı.

Komitettiñ ştat sanınıñ limiti men qurılımın Qazaqstan Respublikasınıñ Ükimeti bekitedi.

Komitettiñ tolıq atawı - "Qazaqstan Respublikası Mädeniyet jäne aqparat  ministrliginiñ Til komiteti" memlekettik mekemesi.

Komitet qızmetin qarjılandıruw respublikalıq byudjetten jüzege asırıladı.    

Komitetke öziniñ funktsiyaları bolıp tabılatın mindetterdi orındaw turğısında käsipkerlik subyektileri men şarttıq qatınastarğa tüsüwge tıyım salınadı.